Blog

መንደር የሃሳብ መጠንሰሻ፤የተግባራት ሁሉ መጀመርያና የለውጥ ፍላጎት ሀሁ መንደርደርያ ትልቅ ተቋም ናት፡፡ ግለሰብ፤ቤተሰብ፤ማህበረሰብና ሀገር መነሻቸው ከመንደር ነው፡፡ ትላለቅ ሃሳብ ያላቸው መሪዎች የስኬታቸውን ጅማሮ ከመንደር ያደርጋሉ፡፡ ወደ አካባቢና ሀገር ያሳድጋሉ፡፡ ለእዚህም ነው እኛ ብልጽግናዎች መንደርን ማዕከል ያደረገ የብሎክ አደረጃጀት ህልውናችን ነው የምንለው፡፡ ይህ አደረጃጀት ተግባራዊ ከተደረገ ወዲህ የተገኙ በርካታ ውጤቶችና ልምዶች ለዛሬና ለነገ ስራዎቻችን ስንቅ እየሆኑን ነው፡፡ ከህብረተሰባችን ጋር ተቀራበን በሰላም፤በጸጥታ፤በልማት፤በስራ ዕድል ፈጠራ፤በጤና እና በሌሎችም መሰል የህዝቡን ተጠቃሚነት በሚረጋግጡ ጉዳዮች ዙሪያ አብረን ሰርተናል በርካታ ድሎችንም ማስመዝገብ ችለናል፡፡ የህዝባችን መሰረታዊ ችግሮች ምን እንደሆኑ በቅርበት ተገንዝበን የመፍትሄ አቅጣጫዎችን ለማስቀመጥም ይህ አደረጃጀት በእጅጉ እየጠቀመን ይገኛል፡፡ ከክፍለ ከተማችን በተለያዩ ብሎኮች ከሚኖሩ የህብረተሰብ ክፍሎች ጋር ባደረግነው ጥልቅ ውይይት የተገነዘብነውም ይህንኑ ነው፡፡